ភ្នំពេញ៖ ព្រះរាជអាជ្ញារងអមសាលាដំបូងរាជធានីភ្នំពេញលោក ម៉ុត ដារ៉ា ត្រូវបានក្រុមគ្រួសារចោទប្រកាន់ថាបានប្រើហិង្សា និងគំរាមសម្លាប់ថែមទៀត។
ហេតុការណ៍ភ្ញាក់ផ្អើលនេះកើតឡើងនៅយប់ថ្ងៃសៅរ៍ ទី១២ ខែមីនា ឆ្នាំ២០២២ វេលាម៉ោង ៩និង៣០នាទី ស្ថិតនៅចំណុចផ្លូវ១៥០ ផ្ទះ៨៩ សង្កាត់ទឹកល្អក់ទី២ ខណ្ឌទួលគោក។
ភរិយាលោក ម៉ុត ដារ៉ា គឺលោកស្រី ហេង មួយគា បានប្រាប់ក្រុមអ្នកយកព័ត៌មានកាលពីយប់មិញថារាជអាជ្ញារង ម៉ុត ដារ៉ា តែងតែរករឿងមកលើអ្នកស្រីជាច្រើនលើកច្រើនសារ ហើយកាលពីយប់មិញក៏បានឈ្លោះប្រកែកជាមួយប្រពន្ធកាន់តែខ្លាំងរហូតឈានដល់ការគំរាមសម្លាប់លោកស្រីថែមទៀត។
ទោះជាយ៉ាងណាយើងនៅមិនទាន់មានការបញ្ជាក់ពីលោករាជអាជ្ញារង ម៉ុត ដារ៉ា បាននៅឡើយទេលើករណីចោទប្រកាន់នេះ៕
